كشف الفنان ياسر فرج عن نمبر وان الدراما بالنسبة له في الفترة الحالية قائلا: "محمد رمضان طبعًا بسم الله ما شاء الله مسلسله مكسر الدنيا "جعفر العمدة" محدش يقدر يختلف عليه وده مع احترامي لكل الأسماء اللي قولتيها".

كما تحدث فرج عن سبب الهجوم على الفنان محمد رمضان خلال تصريحاته مع الإعلامية إنجي هشام في برنامج المنسي عبر قناة هي: "محمد رمضان شوية على السوشيال ميديا الناس شايفاه أنه بيستفزهم بالعربيات أو بالأخبار فشوية ده بيستفز بعض الناس علشان كده بيتحولوا وبيكونوا ضده".

تابع خلال حواره مع الإعلامية إنجي هشام في برنامج المنسي عبر قناة هي قائلا: "في ناس تانية بتنتقد محمد رمضان بسبب الأعمال اللي قدمها قبل كده زمان زي عبده موتة، الألماني والافلام اللي قبل كده شافوا أن ده وجه جزء كبير من الشباب الصغير لأعمال العنف والشغب".

ختم قائلا: "ووارد يكون الناس دي عندها حق أنه فعلا ده قصر بنسبة كبيرة، لكن أشك أن محمد رمضان يكون عارف وهو بيعمل الأعمال دي أنها هتأثر بالشكل ده".