أكدت الفنانة مروة عبد المنعم على أنها ليست شريرة بطبعها، وذلك خلال لقائها ببرنامج miniz المذاع عبر فيسبوك.

وقالت مروة عبد المنعم: أنا مش شريرة خالص، وبتضايق من طيبتي، نفسي أبقى شريرة، وحويطة، أنا أطيب حد ممكن تشوفيه في حياتك، وعلى طول بندم على طيبتي لأنها على طول بتوقعني في مشاكل كتير جدا.

وتابعت: مثلا تلاقي حد كلمني في مشروع، وأنا معرفوش أصلا، وحسيت أنه طيب، وقالي هنعمل كذا وكذا، اديتله كل فلوسي ونصب عليا، أنا ممكن أدي عفشي لحد.

وعن الطلاق قالت: دايما أقول أن الطلاق له رهبة زي رهبة الموت، مهما كنت مؤهلة نفسك للطلاق دا، لكن فيه حياة جديدة بتتبني، حياة لوحدك مفيش بابا أو زوج، أنتي مطلقة مع الحياة، شيء مرعب ومسئولية، تحدي قوي جدا وصعب.