قالت الفنانة منى هلا، إن النجومية ليس من أولوياتها، ولكن أولوياتها هو التمثيل في أي مكان، ويعتبر تحدي لنفسها، مضيفة: "أول مرة اطلع على المسرح في سويسرا وأمثل بالألماني كانت رجلي بتترعش وكنت بثبتها بإيدي، وده كان تحدي بالنسبالي، وده أهم من تواجدي في مكان ثابت وأكون نجمة فيه، وهذا الأمر يضيف ثراء لشخصيتي".

وتابعت منى، في لقاء فيديو مع الإعلامية سهير جودة، عبر صفحتها الرسمية على فيسبوك، قائلة: "كل شخص له أولويات مختلفة عن غيره، وأنا لا أحب الاستقرار في مكان واحب، بل أحب التنقل من بلد لبلد وأقدم تحديات أكثر لنفسي، وأنا شخص لا يكف عن التعلم، وفكرة النجومية مش في دماغي، وأنا عمري ما عرفت الندم والتجارب الغلط في حياتي بتعلم منها، وأؤمن بالحسد وإن في ناس عندهم طاقة سيئة ونجمي خفيف أوي".

وأوضحت منى، أن آرائها دائما تعبر عن شخصيتها بمفردها وليست عن مجموعة: "لما بتسئل عن حاجة بجاوب من وجهة نظري أنا فقط، يمكن اللي بقوله في ستات كتير مبتعرفش تقوله عشان خايفة أو هي تحت ضغط من المجتمع، لكن مبخافش حد يكرهني بسبب آرائي، واللي يحبني يحبني زي ما أنا، وميحبنيش عشان أنا بطلع اسمعه اللي هو عايز يسمعه".