علق الكاتب والسيناريست تامر حبيب، على تصريحات شيرين عبد الوهاب، قائلًا: “الإنسان قبل ما يقول تصريح معين لازم يكون مسؤول عنه ويفكر قبل ما يقول، شيرين شخصية تلقائية جدا حدا ومش بتفكر في الكلمة قبل ما تقولها ربع ثانية، وده عاملها مشاكل كتير”.

وأضاف “حبيب”، خلال مداخلة تليفونية مع الإعلامي خيري رمضان، ببرنامج “حديث القاهرة”، المذاع على فضائية “القاهرة والناس”،: "شيرين ممكن تقول حاجة صغيرة والناس تضخمها وتخترع فيها، أنا بغلط شيرين، ولكن بيكون فيه حاجات ممكن تعدي شيرين شخصية مندفعة جدا وعاطفية، ولما بتحس أي إحساس في لحظة بتقوله لأنها تمتلك اندفاع".

واستكمل: “لما وقعت الوقعة اللي وقعتها على المسرح الناس مسابوهاش، النجومية والشهرة أثروا على شيرين، من كتر ما هي شخصية تلقائية ده أثر عليها، أنا نفسي شيرين تغني وخلاص، نصيحة بتتقال لشيرين من كل الناس والنبي غني وخلاص”.