نشرت ريهام سعيد، فيديو عبر حسابها الشخصى على موقع الصور«إنستجرام»، توضح فيه حقيقة الهجوم عليها بعد اعلانها حملة السمنة.

وعلقت قائلة:« الحملة كانت ضدى علشان قلت أن التخان شكلهم وحش ومشوهين المنظر، فعلا قلت كده في سياق حديث أنا مريضة سمنة وبعانى منها وما فوقتش غير لما محمود حميدة جرحنى وأنا بعمل مسرحية معاه في المسرح القومي».

وتابعت: «اللي بيقولكوا شكلكوا حلو بيضحك عليكم والناس اللى بتقولكم المهم خفة الدم بيضحك عليكم، وعيب أوي المواقع الإخوانية اللي بتاخذ جمل من نص الحلقة علشان الناس تفهم غلط ، وعارفة سبب زعلهم لاني قلت إنها استجابة لحملة الرئيس السيسى وانه مهتم بصحة الناس».

وأكملت تعليقها قائلة: «كلوا بعض وكلوا فى نفسكم عارفه أن العلمين الجديدة والعاصمة الإدارية وبطولة الأمم الأفريقية حارقاكم، اتحرقوا أكتر وهنتطور واشتموا زى منتوا عايزين».

وأضافت ريهام سعيد:«عاملة البوست ده للناس المريضة بالسمنة وأنا منهم بالليل هقولكم على رجيم يخسسكم 10 كيلو في عشرين يوم، وأنا جربته وخسيتهم ومرجعتهمش وهفضل أديكم حلول وأفضل أقول إن التخن بيشوه ولا عمرى بجرح حد وإتاكدوا مما ينشر على المواقع وشوفوا الحلقة قبل ما تصدقوا أى حاجة».