الاتهام الأول

مبتصرفوش بروشتة ليه عايزينها بالاسم العلمى عشان نمنع نوقف أي دخيل غير صيدلي فى الصيدلية وتكون مكتوبة بالكمبيوتر حماية لأرواح المواطنين من الموت  نتيجة لقراءة الدواء خطأ لسوء الكتابة موضوع بسيط.

 الاتهام التاني

اللي بيخش الصيدلية بيموت نفسه ليه حضرتك لأنه بياخد حقن ممكن تموته طيب واللي بيتكتبله روشتة فيها تداخل دوائي أو مضاد حيوي لطفل بجرعه أكبر وبيكتشفها الصيدلي وبيغيرها فطبيعي في نسبة خطأ وإلا ميبقاش موجود موضوع الإهمال الطبي ولما بتحصل مشكلة من دواء من يحاسب أمام المريض والشرطة هو الصيدلي للأسف الشديد "اشمعنى" الصيدلي لأن شغله ميصرفش غلط حتى لو الطبيب كتب غلط.

الاتهام الثالث

الصيدلي بيشخص أم الطبيب بيشخص

الطبيب يشخص المرض و يكتب المادة الفعالة التى يراها مناسبة ولكن الصيدلي يحدد الجرعة بناء على تاريخ طبي ودوائي للمريض وتحديد نوع الدواء بالاسم التجاري وبعض الأسئلة المهمة للمريض وكدة يبقى عملنا توازن في منظومة الصحة.

الاتهام الرابع

بتصرفوا أدويه وخلاص وبناء على إيه حضرتك الصيدلي في كل العالم في أدوية مصرح بصرفها تسمى أدويه أوتو سي( otc drugs) أو أدويه الرف وبتبقى بناء على مقابلة للمريض ومعرفة الأعراض وده فى حالات بسيطة وبنوجه المريض بعدها للطبيب المختص لأننا همنا المريض لأننا في وشه مباشرة.

لو كل واحد في المنظومة الصحية عرف دوره هتتحل مشاكلنا وده بعض أدوار الصيدلي.

 Medication dispensing صرف الدواء، و هي عملية تشمل خطوات و مهارات لخدمة المريض.

- Patient consultation تلقي استشارات المرضى حول معاناتهم و أعراضها ونصحهم بالتعامل معها و توجيههم لتخصصات مقدمي الخدمة الصحية الآخرين وفقا لذلك.

- Patient education تعليم المرضى كيفية التعامل مع الأدوية و الأعراض و الأمراض التي يتعرضون لها تكاملا و تناغما مع الأطباء و دورهم.

- Dealing with signs & symptoms التعامل مع الأعراض البسيطة التي يعاني منها المريض وترجمتها لاحتمالية وجود مرض ما ثم توجيه المريض للتخصص الطبي المناسب أو التعامل معها إذا كانت بسيطة فعليا وفقا لـ Non prescription drugs، أو الأدوية التي لا يحتاج صرفها وصفة أوروشتة طبية.