أكد النجم محمد رجب، أنه عمل كومبارس لفترة طويلة خلال مشواره الفني حتى رأته المخرجة الكبيرة إيناس الدغيدي، قائلا: "في فترة كبيرة اشتغلت فيها كومبارس واتبهدلت لغاية ما إيناس الدغيدي شافتني بعد رحلة يأس كبيرة وكانت شافت صورة ليا".

وأضاف محمد رجب، خلال تصريحات تليفزيونية له ، أن المخرجة ايناس الدغيدي أعجبت بصورتي وطبقة صوتي، متابعا: "قالت لي عايزاك معايا في فيلم وكنت أول اكتشاف مع هند صبري وأحمد عز في فيلم مذكرات مراهقة".

وتابع: "لم أهتم قوي بالدور ولكن كنت عايز أخذ خطوة بعد رحلة عذاب ومهانة ولكن مع تكرار دور الشرير كان في نظرة للناس ليا أني شرير وكنت مش بحب كده، ومقوماتي النفسية مش قادر اتقبل الكراهية المطلقة، وتوقفت ومكنتش عايز أكمل كده ونجحت في كل أدواري وظهوري لدور الشرير كان ناتجا عن اعتذارات ناس".