استعاد الفنان عمرو سعد عبر حسابه الشخصي على موقع التواصل الاجتماعي «إنستجرام»، ذكرياته مع فيلم «دكان شحاتة»، حيث نشر صورة من مشهد خروج شحاتة من السجن، وزيارته للدكان القديم المغلق.

وكتب سعد معلقًا: «يومها طلبت من المخرج إني أركز لوحدي تمامًا، وهو في نفس الوقت بدأ يحضر المشهد وطلب من الجميع ‏الهدوء، أخدت ساعة تقريبًا لغاية ما هزيت راسي إني جاهز واتحركت ناحية مكان التصوير وفجأة وأنا في الطريق شوفت الدكان ‏المقفول لقيت نفسي بتحرك زي المسحور ناحيته المخرج خالد يوسف فهم بسرعة إن في حاجة هاتحصل وقرب ناحيتي وبص بهدوء ‏وقال لي عاوز إيه؟!».‏

وتابع:«شاورت على الدكان المقفول ورغم إنه كان جاهز لمشهد في مكان تاني إلا إنه جري بسرعة وحرك كل اللوكيشن ‏والإضاءة ناحيتي، وصرخ للكاميرا تدور بسرعة وصور فعلا المشهد ده، النهاردة عدى عشر سنين علي اليوم ده وطول الوقت الناس ‏بتفكرني بالمشهد ده وكأنه خرج من ذاكرتي لذاكرتهم هما وهو ده اللي طول الوقت بتمناه».‏

واختتم عمرو سعد قائلًا: «بدعي ربنا إني أعمل حاجة تعيش ويفتكرها الناس بعد ما أكون مشيت أو توصل بصدق، دعواتكم إني ‏أعرف أعمل ده والمشاهد اللي تعبت فيها، تكون جزء من الذاكرة مش تبقي لحظة وخلاص».‏