علق الفنان أحمد العوضي على انتقادات التي تلاحقه بعد تعاونه للمرة الثالثة مع زوجته الفنانة ياسمين عبد العزيز في مسلسل "ضرب نار"، والمقرر عرضه في الموسم الرمضاني 2023.

وقال أحمد العوضي خلال لقائه في برنامج "ET بالعربي":" تعاوني مع ياسمين عبد العزيز مش استثمار للنجاح؛ ولكن أحنا بنحب نشتغل مع بعض والكيمياء بيننا حلوة والشغل بيننا مريح".

وأضاف:" ولما عملنا مسلسل اللي مالوش كبير الحمدلله نجح ولما ظهرنا في برنامج منى الشاذلي مع بعض بردو الحلقة نجحت".

تابع:" نجاحنا سوا معناه أن الناس بتحبنا مع بعض ودا المهم عشان يقبلونا في أي مسلسل".

وأضاف:" وأنا بحمل هم ياسمين وهي بتشيل همي بردو، وممكن أشتغل مع حد تاني بس مش هتكون بنفس الحميمية زي اتنين متجوزين حتى لو كان الممثل اللي معايا حبيبي وأخويا".