وماسك صاجات ، كلنا بنمر بظروف مادية صعبه...وده أمر طبيعي كلنا تقريبا يعاني من ارتفاع الأسعار.. وده كمان ممكن يكون أمر طبيعي وحل الموقف عند العقلاء...يكون بالتفكير العملي لمشكلة الضغط المادي و كيفية توفير السلع..لكن يطالعنا شوية المطبلاتية والرقاصين والمعرضين والمتسلقين ويحاولون ايهامنا و اقناعنا بأن بعض الأطعمة مُضره بالصحة وتسبب الأمراض الخطيرة..لكي يبررون عدم شرائها اهو ده بقى اسمه التطبيل والصاجات.

مثلا من كام يوم واحد طلع علينا بتقرير علمي بحثي بأن ارجل الفراخ مفيدة للصحةويطالب الناس بشرائها واكلها وواحد تاني بيصرح بأن ياميش رمضان بيسبب كل أمراض الدنيا( كل أنواع السرطانات) .. وبينصحنا طبعا علشان صحتنا مانقربش منها ولا نشتريها.

وواحد تالت علشان يبرر شراء الدواجن المجمدة المستورده نازل نخع وهري عن أضرار البكتريا الموجودة في الفراخ المدبوحه.
وحلاوة وسلامة وأمان الفراخ المجمده...
هو في ايه ياشوية افاقين...
هو اشمعنى الكلام ده طلع لنا دلوقتي ،طيب ما طول عمرنا احنا وابائنا والداني بناكل الفراخ المدبوحه طازة، وبنشتري ياميش رمضان ،إنتم بتضحكوا وبستغفلوا مين⁉️
طيب عاوزين نسألكم سؤال بريئ ...
هو انتواولادك ليه بتاكلوا فراخ مشوية ومقلية ومطبوخة وبانيه،
ومابتكلوش أرجل الفراخ ذي مابتقولوا إنها مفيدة وقيمة غذائية
ليه حضرتك انت ومراتك هتنزلوا تشتروا ياميش رمضان وتقولوا للناس الغلابه انهم سيصابون بأمراض الدنيا والآخرة اذا اشتروها و اكلوها ياريت تلموا نفسكم... ياشوية ارزقيه ومنافقين ومطبلاتية.