قال الإعلامي عمرو أديب، إنه تم الإفراج عن 6 من المصريين الأقباط كانوا محتجزين في ليبيا، وقريبا سيعودوا إلى مصر، لافتا إلى أن نفس المواطنين كان قد احتجازهم في 2021 وتدخلت الدولة المصرية وأفرجت عنهم.

وأشار أديب، خلال برنامج "الحكاية" المذاع عبر فضائية "إم بي سي مصر"، إلى أنه لا أمر مزعج لأي دولة بقدر وجود أبناء لها محتجزين أو مختطفين في دولة أخرى، مطالبا المصريين الذين يتوجهون إلى ليبيا أن يلتزموا بالحيطة والحذر لتجنب الوقوع في أي مخاطر.

وعن انتشار ظاهرة اللايف كوتش، عقب، “ده نصب، اصحى بدري زي ما انت عايز واشتغل 20 ساعة.. بردو مش كل الناس هتوصل، متخليش حد يضحك عليك، إنت بيضحك عليك، دخولك على موقع معين مش هيخليك توصل، وتبقى غني، وتكون نمبر وان، في مليونير وفي أقل من مليونير، اوعى تصدق الناس دي، هتكون فين يعني بعد 5 سنين، وبطلوا الإجابات المتعلبة، مش كل واحد هيوصل"، معتبرا أن الأمية خلال السنوات القادمة هى عدم معرفة الذكاء الاصطناعي.

وأضاف، “آخر كام سنة في مصر الملياردارات جداد لانج، ومحدش يعرفهم، مش كل واحد جاب جراج وحط في كمبيوتر هيعمل آبل، استهدوا بالله وكل واحد يعرف قدراته، الواسطة هتعديك من الباب بس مش هطلعك الدور اللي فوقيك”، متابعا: “عندنا إمام عاشور مثال حط نفسه في المكان الصح، شافين فخد إمام بقا عامل إزاي، الواد فرد، إمام طول بقا حد تاني”.