ننتقم إزاي من الناس يلي جرحونا؟.. في موضوع كلنا بنعاني منه وكلنا شوفنا  ياما منه هو  موضوع الغدر والخيانة غدر الحبيب أو الصديق أوالقريب وخاصة ده يلي بيكون غدرو زي الخنجر.. كتير ناس بتنجرح أوي لحد تفكر فيه بالانتقام.. وكتير بيسألوا هننتقم إزاي.

ننتقم إزاي؟ ننتقم  بطريقة راقية جدا وإنتا يلي هتكون فيها الكسبان وخاصة  إنك هتكسب نفسك بلاش، بلاش تضيعها دي محتاجلك.. أكبر انتقام هو نجاحك  إنك تفكر في نفسك في مستقبلك في حياتك إنك تكون حد ناجح  عارف الحياة كويس إنك تتجاهلهم خالص وكأنهم ما كانوش في حياتك يوم إنك ما تفكرشي فيهم خالص يولعو بيلي فيهم أنتى مالك فيهم أصلا  إنك ما تعبرهو مشي خالص .. كل واحد فينا يا سيدي عنده طاقة.

ليه نستنزف طاقتنا علشان ناس  ما بستحقش خالص؟ ليه نضيع سنين عمرنا ونحن بنفكر فيهم؟ ليه ما نفكرشي في نفسنا؟ آه أنت هتكون أناني في حق نفسك لو ما فكرتش فيها و لو تنازلت علشان تدي لناس تانية على حساب نفسك و على حساب سنوات من عمرك و مجهودك وطاقتك.

لازم تتعلم من أخطاءك  كويس هتسأل أتعلم من الأخطاء إزاي تتعلم إنك ما تتديش تاني لأشخاص غير ما تجربهم في كتير مواقف تشكك ما بلاش الثقة العمياء دي ما بلاش، بسمع كتير قصص بتتكلم أنا والله ده.. اديته من وقتي و من عمري اديته من حياتي ده أنا طلعت عينيا ده ناقص أجبله القمر  ده ناقص أجبله النجوم علشان يرضى عني ده بردو كلام  يعني لما أنت تديله من حياتك ومجهودك ومستقبلك وهو مستمر في حياته والله فعلا ما فيش حد في الدنيا يستحق.

لازم نشغل عقلنا كويس نفكر في كل حاجة كويس لازم تتوقع أي حاجة من أي شخص علشان ما تنصدموش بعدين وافتكروا دايما إنه أقوى انتقام النجاح، التقدم و التجاهل و إنكم تلغوا كل حاجة من حياتكم كل إنسان بيعكر حياتكم ما لوش مكان في حياتكم.