انفعل الإعلامي محمد موسى، على مسئولي جهاز حدائق أكتوبر، بسبب شبكات الصرف الصحي بكمبوند ريحانة.

وقال محمد موسى خلال تقديم برنامج "خط أحمر" على قناة الحدث اليوم، "كمبوند ريحانة.. ده مجتمع سكني علي بعد 100 متر من مدينة الإنتاج الإعلامي، وجهاز حدائق أكتوبر بيعمل تعديلات في شبكات الصرف الصحي الموصلة للكمبوند، ولكن الغريب واللي لأول مرة أشوفه أن السادة المسئولين عن هذا حبوا أنهم يعملوا شغلهم بس بيعملوه بطريقة مش فاهمها، هو في حد في الدنيا يقول أروح أوصل الصرف الصحي في الأرض اللي قدام الكمبوند بالصرف الداخلي للكمبوند اللي هو أساسا فيه مشكلة طب إزاي".

وتابع: "بصراحة بسأل مسئولي جهاز حدائق أكتوبر ده يتعمل إزاي.. حضرتك عايز تطور يبقي تتصرف بشكل لا يضر أحد، طول عمرنا عارفين أن الصرف بيخرج من البيوت على الخطوط الرئيسية مش العكس".

وأردف: "اشتغلوا صح وبلاش شغل المسكنات وأخلص وأجري"، مناشدا الدكتور عاصم الجزار، وزير الإسكان، بتوجيه المسئولين بضرورة إيجاد حلول لا تسبب ضررا لسكان الكمبوند، "لأن هذه التعديلات لن تعجب السيد الوزير، لأنه راجل فاهم وواعي ومهندس شاطر قبل ما يكون وزير".