أثارت المطربة شذى موجة جدل واسعة بتصريحاتها المثيرة التي كشفت عنها مؤخراً حول علاقتها بالفنان تامر حسني، وذلك خلال لقائها التليفزيوني مع الإعلامي سعيد جميل، ببرنامج "أنا سعيد".

تحدثت شذى عن سبب مقاطعتها للفنان تامر حسني وغضبها منه، لافتة أنه لم يهتم بالسؤال عنها عقب وفاة والديها، حيث قالت: "سيرة تامر حسني بتقلبلي مودي، مش عشان أنا مبحبوش لأ أنا بحبه جدًا وإحنا عشرة سنين، ولكن تامر من وقت وفاة أبويا وأمي مظهرش".

وأضافت: "لو ظهر بيظهر كضيف شرف، ومش بتكلم على الشغل أنا بتكلم على الإنسانيات أنا مليش حد هنا وعيلتي برا مصر"، متابعة: "تامر ضيف شرف في حياتي، خاصة إني بتعرض لأزمات كتير في السوق، ولكن تامر في إيده إنه يصلحلي حاجات كتير وأنا أستاهل ده لأني مش مدعية ".

وأردفت: "الصحاب لازم يكونوا ضهر لبعض، خصوصًا لو أنت كنت كويس معاه قبل كده، وانا مقدمه السبت لتامر حسني ووقفت معاه عشان كده بزعل لما بتيجي سيرة تامر، لأني مكنتش مستنية منه حاجة كنت مستنية يسأل عليا".