قالت الإعلامية أميرة عبيد، «إن المرأة لا تسامح في الخيانة ولا تقبل ضرة ، لو كل راجل ركز مع مراته ربع ما بيركز مع غيرها ، مستحيل يشوف أحلي منها لأن باختصار مراتك اللي نضجت وكبرت في بيتك هي نصك التاني ، شبهك وروحها من روحك لو مش عجباك يبقي أنت كمان مش هتعجبها بس الفرق بينكم إن هي بترضي بنصيبها لكن أنت طماع.

وأضافت أميرة عبيد خلال تقديم برنامج "هي وهما" على قناة الحدث اليوم، مفيش علاقة برا البيت بتكمل أو بتخلص بدون خساير لازم الرجل بيدفع تمنها من ماله وعمره وصحته أي علاقة غير شرعية نهايتها الندم وخراب البيت أما التعدد فهو لأصحاب العدل والقدرة فقط وليس للجميع".

تابعت، " مشكلة الخيانة في أوقات كتير بتاخد وقت وتخلص ومعظم الستات بتسامح وتغفر وبتستمر الحياة الزوجية .. ولكن في حال الزواج بأخري بتكون مشكلة كبيرة ولا تغفرها الزوجة الأولي".