.png)
ريهام سعيد لـ منتقديها: أنا ست قوية وكويسة وبعمل خير كتير عشان كده ربنا شفاني
نشرت الإعلامية ريهام سعيد، مقطع فيديو بعد إعلان شفائها من المرض الذي عانت منه خلال الفترة السابقة عبر حسابها الشخصى بموقع "إنستجرام".
وظهرت ريهام سعيد بملامح متغيرة بعد إجرائها عدة عمليات، وكتبت "متشكرة جدا على الدعوات والناس اللى وفقت جمبى وفى ضهرى، بس أنا مش قادرة أمسك نفسى من الاستفزاز الرهيب من ناس قليلة اللى معتقدين انى كنت بمثل انى مريضة يا مريض يا مريض".
وأضافت ريهام سعيد "انا شيفاها سفالة وقلة أدب وقلة رحمه وقلة ذوق، هو الشغل هيدينى إجازة عشان اتاجر بمرضى وأفضل حابسه نفسى فى البيت عشان أنا عملت عملية تجميل، هل أنا لميت التبرعات ولا مرتبى زاد بعد مرضى".
وأوضحت ريهام سعيد "انا ست كويسة غصب عنكو ، وربنا ابتلانى بالمرض وشفانى عشان انا ست كويسة ، انا ماطلعتيش اعيط للناس ولا قولت انا عاوزه فلوس ، ومش انا اللى صرحت انى عيان ، انا بقالى 3 شهور عيانه وكنت بنزل اشتغل عادى ودائمة قوية حتى لما دخلت السجن ، كنت قوية انا مابحبش اصعب على حد وانا ست قوية وعملت خير كتير فى حياتى ".
وتابعت ريهام سعيد "يوم الحد هتتكسف اوووى لما تشوفنى انا ودانى فضيت وومناخيرى معوجة دى عجباكو للناس اللى بتقوله تجميل وانا مصورة كل لحظه مرت بيها".
وكانت ريهام سعيد أعلنت في وقت سابق مرضها ببكتيريا في الأنف وأجرت على أثرها عملية جراحية ومنذ يومينأعلنت شفاءها بمعجزة وعودتها إلى حياتها الطبيعية.
