• الرئيسية
• مقالات

إيه اللي هيحصل.. لو بطلنا نهتم شوية..

بالناس اللي مش مقدرين اهتمامنا بيهم.

و كمان بيعتبروا اهتمامنا بيهم شيء طبيعي منا..

تخيلوا معايا السيناريو اللي هيحصل...

لو إنت اهملتهم ووقفت اهتمامك بيهم.

في الأول هيستغربوا تصرفك...

لأنهم مش متعودين على كده.

وده طبعا.. رد فعل طبيعي ومتوقع منهم.

بعدها.. هيبدأوا يسألوك.. بشكل مباشر أو غير مباشر.

إنت إيه اللي غيرك..

في اللحظه دي تحديداً. ...عاوزك تدخل بقلب جامد.

وتقولهم بمنتهى الثقة..أنا ياما اهتميت بيكم ...

بس للأسف مالقتش أي إهتمام منكم كرد فعل لإهتمامي

اللي كنت متوقعه منكم..

علشان كده حسيت أن اهتمامي بيكم ملوش أي ستين لازمة

وإحساسكم المر بتجاهلي ليكم ده هو بالضبط نفس إحساسي

اللي عانيت منه كتير نتيجة اهمالكم وتجاهلكم ليا.

بكده تكون لعبت معاهم لعبة تبادل الأدوار.

والأسلوب ده..

بيخلي اللي قدامك بيعيش نفس مشاعرك...

علشان كده...

ماتسكتوش وتكتموا مشاعركم جواكم وعبروا عنها..

ماتخلوش اللي قدامكم يستغلوا مشاعركم..

قولوا كل اللي إنتم حاسين وشاعرين بيه..

بدون خوف أو تردد من اللي قدامك..

إللي قدامك مش أحسن منك في حاجة.

ليه بتخاف منه وتعمله ألف حساب...

وهو مابيعملش ليك حساب.. واحد بس.