عرضت الإعلامية أميرة عبيد، مأساة تقى أحمد عبدالفتاح، ضحية زواج القاصرات، والتي تزوجت في عمر 17 عاما، وكذلك أيضا عرض حق رد لطليقها أحمد عزت، خلال تقديم برنامج "خط أحمر" على قناة الحدث اليوم.

وقالت أميرة عبيد، "كل واحد فيهم قال قصة غير التاني يا تري مين الظالم ومين المظلوم الله أعلم، وللأسف المظلوم والضحية في القصة دي كلها هو ابنهم اللي جه الدنيا نتيجة أم اتجوزت قاصر مش مستوعبه المسؤولية وأب أتجوز من غير ما يفكر لحظة إزي البنت الصغيرة دي هتكون أم ولادي مفكرش عشان كان عايز يتجوز للجواز فقط".

تابعت، عندي عتاب لوالد فوزي ووالد تقي لأنهم أسباب في كل الكوارث دي عشان خلفوا القانون يوم ما جاوزوا بنت قاصر لشاب عنده ٢٨ عشرين سنة لسه الدنيا معلمتهوش إزي لما الحياة تكون مستحيلة بينه وبين أم ابنه يطلق في صمت عشان مستقبل ونفسية ابنه".

استكملت، للأسف الأهل سبب وصغر السن سبب والأخلاق والخوف من ربنا اللي مش موجود أصلاً أهم سبب ربنا يهديهم ويحببهم في بعض ويهديهم لبعض عشان خاطر ابنهم اللي كل ذنبه في انه أبن لاب وأم هو مختارهمش لكن هما اختارو يخلفوا عشان كده نصحتي ليهم هي ،لو مش هيقدروا يحبوا بعض علي الأقل يحترموا بعض وينفصلوا في هدوء عشان الطفل ده ميدفعش التمن".