حكت تقى أحمد عبدالفتاح، ضحية زواج القاصرات، والتي تزوجت في عمر 17 عاما، مأساتها مع زوجها وعائلته، والتي ما زالت مستمرة حتى الآن بعد طلاقها للضرر.

وقالت تقى عبدالفتاح خلال مشاركتها في برنامج "هي وهما" الذي تقدمه الإعلامية أميرة عبيد على قناة الحدث اليوم، "طليقي كان بيجيب صحابه الرجالة ويقعدهم في غرفة نومي يشربوا شيشة ووالده كان بيطلع يقعد معاهم، قولتله طلقني وارحمني مش عايزه منك عيال ولا قايمة وهتنازلك عن كل حاجة، قالي لا هسيبك كدة زي البيت الوقف وهددني بالقتل".

تابعت، والد زوجي كان يتحرش بها بحجة أنه "بيطبطب عليا بسبب ضرب ابنه ليا.. كنت بخاف جدا منه وبسيب البيت وانزل بسرعة وأقعد مع حماتي"، وأضافت "حماتي هي اللي كانت بتاخد مصروف البيت، وعمري ما أخدت فلوس منه كنت عايزه أعيش عشان أربي ابني بس هما ما سبونيش".