حل المطرب فارس ضيف برنامج كلام الناس مع الإعلامية ياسمين عز، المذاع عبر شاشة قناة mbc مصر، وكشف عن العديد من التفاصيل الخاصة بأغنية “يا ناسي وعدك”.

وقال فارس عن قصة أغنية “يا ناسي وعدك” التي سببت العديد من المشكلات: جبهالي تامر علي وأنا كان أحمد سعد قريب مني الفترة دي وكان بيعمل ألبوم، وقولتله تامر علي عامل أغنية حلوة اسمها يا ناسي وعدك وعجبته وغناها.

وأردف فارس: وأنا كنت في الاستوديو وعمرو كان بعدي، وسمعته أغنية من الألبوم بتاعي سحر عنيك، وقولتله هسمعك عيل جديد وسمعته أغنية يا ناسي وعدك لأحمد سعد، واتناقشنا وقولتله ده هيكسر الدنيا جدًا وأحمد كان موجود.

وأضاف فارس: وطلع بعدها ولاقيته هو واخد الأغنية دي، وزعلت لأن أحمد يهمني جدًا، وأصبحت أنا اللي في موقف وحش وأنا اللي كنت بدعم أحمد سعد، وكان لسه أول البوم بيعمله.
وعن رد فعل أحمد سعد وقتها، قال: أحمد سعد مزعلش مني، وعاتبت عمرو دياب وحصل مشكلة كبيرة ولا ده نزلها ولا ده نزلها، وعمرو دياب نزلها بعدها بفترة على يوتيوب بس مش قانوني.

كلمات أغنية يا ناسي وعدك

وجاءت كلمات الأغنية كالتالي:

ا ناسى وعدك وعدك ليا بعدك والله صعب عليا
ارجع يا حبيبى اشتقت ليك
قولى حبيبى فاكرك مش ناسيك
غبت ليه عنى من غير ما تسالنى هو انت مش عارف انك بتوحشنى
هان عليك قلبى ولا هان حبى ولا انت مستنى الشوق يدوبنى
ارجع ياحبيى اشتقت ليك
قولى حبيبى فاكرك مش ناسيك
يا ناسى وعدك وعدك ليا بعدك والله صعب عليا
غبت ليه عنى من غير ما تسالنى هو انت مش عارف انك بتوحشنى
قولى يا يا ناسينى امتى هتجينى واخدك فى احضانى وتحس بحنينى
ارجع يا حبيبى اشتقت ليك
ارجع يا حبيبى اشتقت ليك
قولى حبيبى فاكرك مش ناسيك
يا ناسى وعدك وعدك ليا بعدك والله صعب عليا