علقت الفنانة القديرة عفاف شعيب على جدل وجود العصمة في يد الزوجة أم الزوجة وذلك خلال لقائها في برنامج البخت المذاع عبر فضائية الشمس.

وقالت عفاف شعيب: "العصمة لازم تكون في أيد الراجل، هي الدنيا انقلبت، أنا ماشية بتعاليم ربنا وسنة الحبيب محمد، فين الرجولة طالما العصمة هتكون في أيد الست؟ هتبقى كارثة، يعني نقوله قوم امشي اطلع برا.. أنت طالق؟".

أبرز تصريحات عفاف شعيب

وأدلت عفاف شعيب بالعديد من التصريحات منها:

الناس اللي بتقول الزوجة مش ملزمة بحقوق تجاه زوجها الله يسامحكم كده بتخربوا البيوت

نسب الطلاق عالية عشان مفيش حد يوجههم

البرامج الدينية انقرضت تماما الأول كنا بنسمع الشيخ الشعراوي وجاد الحق ومحمد الغزالي

عندنا أزمة اخلاق ودين للأسف ارجعوا لرشدكم وكتاب الله وسنة الرسول الحبيب

العصمة لازم تكون في أيد الراجل هي الدنيا انقلبت أنا ماشيه بتعاليم ربنا وسنة الحبيب محمد

فين الرجولة طلاما العصمة هتكون في ايد الست؟ هتبقى كارثة يعني نقوله قوم امشي اطلع برا.. أنت طالق؟

مش هلبس باروكة في أي عمل وده اسمه تحايل على الدين وماليش دعوة بغيري هما أحرار وهما هياخدوا الوزر مش أنا

فيه ناس نصحوا واحدة اعرفها وشيوخ قالوا لها عادي الذنب مش عليها الذنب على اللي إداها الفتوة

مش هوافق طبعا اجسد شخصية شادية مفيش شبه بيني وبينها تماما وكانت بتحبني جدا وفيه تواصل بيني وبينها وصعب اني اعمل ده

مبحبش كلام رضوى الشربيني بتقوم الست على الراجل وتقوم الراجل على الست

مش كل واحدة مرت بأزمة في حياتها هتنفذ كل دا على بقيت الناس أنتي شفتي مشكلة يمكن ربنا خصك بيها علشان تصبري

يمكن ربنا عمل كده علشان تقربي منه مش أنك تفرقي بين الزوج والزوجة

وأنصحها وأقولها أقري كتاب ربنا أقري القرآن الكريم وتعمقي فيه وأقري أحاديث الرسول وأدرسي فقه المرأة