علقت الفنانة القديرة ميرفت أمين على صورتها الأخيرة في عزاء المخرج علي عبد الخالق التي تصدرت بعد نشرها تريند محركات البحث، وذلك في مكالمة هاتفية لها منذ قليل في برنامج "مساء دي إم سي" الذي يقدمه الإعلامي رامي رضوان ويذاع على شاشة تلفزيون قناة "دي إم سي".

حيث قالت ميرفت أمين لـ برنامج "مساء دي إم سي": "من 10 أيام قالوا أثر وعكة صحية توفت إلى رحمة الله ميرفت أمين، وبعديها انتشرت أخبار بزواجي، والموت والجواز مش بيستخبوا دول حاجتين متقدرش تخفيهم".

وتابعت قائلة: "وأنا مش عارفة هما صايدني ليه طول الوقت، وبعدين يتكلموا على عزا ويقولوا شكلها مهموم وشكلها كبرت، هل أنا مطلوب مني في العزا أن أنا أروح بمكياج كامل ولا مطلوب مني أروح ازاي".

كما أوضحت الفنانة ميرفت أمين أنها أصبحت لا تتأثر بالشائعات، ولكنها تستاء لأجل أهالها، حيث قالت: "أول شائعة بتاعت الوفاة هما مش بيقدروا ا٦ن فيه ناس أنا متواصلة معاهم على طول أو لأي أسباب أنا مش بكلمهم أو بنتي في مكان مش قادرة توصلي.. لما بيوصلهم حاجة زي كدا الناس بتتخض، أنا اتعودت على كدا ومبقتش بتفرق معايا أوي بس اللي حواليا بيتضايقوا".