أثارت الفنانة لورا عماد زوجة الفنان شريف منير جدلًا واسعًا بعد أن وجهت رسالة قاسية إلى ابنتيها فريدة وكاميليا، أشار فيها إلى تخليهما عنها بالرغم من تضحيتها الكبيرة من أجلهما.

حيث كتبت لورا عماد عبر حسابها الشخصي على موقع تبادل الصور والفيديوهات “إنستجرام”: "رسالة إلى بناتي (فريدة وكاميليا).. بما إنكم خلاص قررتوا تبقوا مش في حياتي بعد ما اديتكم عمري وصحتي وحبي واهتمامي وضحيت عشانكم كتير!! وكل مدارسكم بمدرسينكم بدكاترتكم بأصحابكم بأمهات أصحابكم يشهدوا بإن أنا كنت أم عاملة إزاي!”.

وتابعت قائلة: "بقولكم مبروك عليكم عيلتكم الجديدة! وهقولكم حاجة واحدة بس! اللي مالوش خير في أمه ملوش خير في حد! بتمنالكم كل خير وصحة وإن ربنا يهديكم في يوم من الأيام! بس ربنا موجود وكبير قادر على اللي عمل فيكم كده إنه يرده ليه في يوم من الأيام! مامي لورا يمكن تكونوا نسيتوا اسمي”.

كما حرص بنات الفنان شريف منير الرد على رسالة والدتهما القاسية، حيث علقت لها فريدة قائلة: “ليه بتعملي كدا، ليه بتخلي شكلنا كدا قدام الناس”، ومن ناحية أخرى علقت كاميليا قائلة: “عمرنا ما بعدنا عنك، وغير كدا أنا كنت لسه قاعدة معاكي امبارح ومكنتش عارفة أنك كنتي بتفكري في كدا”.

ومن جانبه نصح عدد كبير من المتابعين لورا عماد بحذف ذلك المنشور حفاظًا على علاقتها بابنتيها، كالآتي: “بلاش البوست دا يا حبيبتي دا يزود الفجوة بينكم حلي أي مشكلة بأنك تقربي منهم زيادة هما لسه صغيرين ومطلوب منك شوية مجهود تحتويهم”.