كشف الفنان القدير نعيم عيسى عن تفاصيل علاقته بالزعيم عادل إمام، وكيف تحولت علاقتهما بعد ظهور الفنان الراحل يوسف داوود في الوسط الفني.

حيث قال نعيم عيسى في حوار له ببرنامج “واحد من الناس” مع الإعلامي عمرو الليثي: “كان بيعزني وبيحبني وأنا كمان كنت بحبه، لحد ما ظهر في سكتنا يوسف داوود، وهو كان في طولي، بدأ عادل إمام يبعدني شوية بشوية، وشغل يوسف داوود”.

كما أكد نعيم عيسى أنه غير مستاء من ما فعله الزعيم عادل إمام، حيث قال لـ برنامج “واحد من الناس”: “مش زعلان من عادل إمام بس واخد على خاطري منه، يعني بعد الحب اللي حبه ليا والحب اللي أنا حبيته ليه، لما يسيبني ويتجه لممثل تاني دي زعلتني شوية”.

وتابع حديثه قائلًا: “معاتبتوش ومقدرش أزعله لأنه بطل عظيم وكبير، وعايز أقوله ربنا يقويك ويديك الصحة والعافية ويخليك لينا وللدنيا كلها لأن أنت تتحب وكوميديان عظيم”.