كشفت الفنانة شيرين رضا عن حقيقة ترويج فيلم “الملحد” الذي يتولى تأليفه الإعلامي الشهير إبراهيم عيسى، للإلحاد، نافية كل ما يتردد من تلك الأنباء ومشيرة إلى أنه الهدف الأساسي منه تفتيح عقول المشاهدين على أفكار جديدة.

قالت شيرين رضا خلال برنامج it’s show time: “الهدف من الفيلم هو أننا نفتح مخنا ونشوف حاجات تانية، نشوف أفكار تانية، لو في واحد ملحد إزاي بيبقى ملحد وبيجي منين الإلحاد ده، وإزاي نقدر نتصرف فيه، وإزاي نقدر نمنعه، وإزاي أهله بيستقبلوا صدمة إن ابنهم يقولهم أنا ملحد”.

وتابعت شيرين رضا حديثها، فقالت: “هو مش عادي كده حد يجي يقول أنا ملحد، قبل ما يقول الكلمة دي بيمر بإيه؟ حصله إيه في حياته؟ شاف إيه عشان يوصل إنه يقول أنا ملحد، الفيلم لا يسوق للإلحاد أكيد، إحنا بنتكلم عن الإلحاد بيجي منين والفكرة نفسها”.

وسبق وأن تحدثت شيرين رضا عن الهجوم الذي يتعرض له ابراهيم عيسى بشكل مستمر بسبب أعماله الفنية، خاصة فيلم الملحد، فقالت خلال لقائها ببرنامج “حبر سري”: ““أنا شايفة ان الهجوم ده مفتعل جدًا، وفيلم الملحد مبيتكلمش على الإلحاد الناس لو تستنى شوية تعرف الفيلم فيه إيه”.

أبطال فيلم الملحد

ويشارك في بطولة فيلم “الملحد” عدد من نجوم الفن وهم الفنانة شيرين رضا، والفنان محمود حميدة ، أحمد حاتم، تارا عماد، حسين فهمى، تأليف ،إبراهيم عيسى، وإخراج ماندو العدل.

وتدور أحداث فيلم الملحد حول التطرف الدينى وإلالحاد والخروج عن الدين الذى يصيب الشباب، ويسلط الفيلم الضوء، أيضا على على تلك القضية الجدلية بشكل عقلاني كبير ويقوم العمل بتوضيحها للمجتمع.

أخر أعمال إبراهيم عيسى

جدير بالذكر، أن أخر أعمال ابراهيم عيسى المثيرة للجدل مسلسل “فاتن أمل حربي” الذي عرض ضمن السباق الرمضاني 2022، بجانب كلا من النجوم نيللي كريم، شريف سلامة، هالة صدقي، محمد ثروت، محمد الشرنوبي، خالد سرحان، فادية عبد الغني، جيلان علاء، محمد التاجي، يارا جبران، لمياء الأمير، سارة الدهيم، كريم فتحى، والطفلتين فيروز وريتال ظاظا.