.png)
أميرة عبيد توضح كيفية التعامل مع ”الراجل الحريص”
وجهت الإعلامية أميرة عبيد الزوجات إلى بعض الإرشادات والنصائح في كيفية التعامل مع "الراجل الحريص"، "الرجل الحريص ده بيكون مر بظروف صعبة ومحدش وقف جنبه فطول الوقت خايف من بكرة، وقبل ما يصرف جنيه بيفكر ألف مرة الجنيه ده هيروح المكان الصح ولا هيضيع، ومع ذلك بيكون كريم جداً في مشاعرة مع مراته وأولاده اللي هما في الأساس سبب حرصة علي كل جنية لأنه بيكون مقتنع إن للفلوس هي مصدر الأمان لأولاده ومراته في حالة عدم وجودة".
وأضافت أميرة عبيد خلال تقديم برنامج "هي وهما" على قناة الحدث اليوم،"ضروري الزوجة تكون فاهمة وعارفة شخصية زوجها وتحاول تكون مدبرة وغير مبذره عشان تقدر تكسب ثقة جوزها في أنها ست معمرة منتجة وليس مستهلكة، وهنا أول ما الزوج يحس أنها شبهه في التدبير عمره ما هيقول لها علي اي طلب لا، بالعكس هو اللي هياخد رأيها في كل جنية هيصرفه".
تابعت، "أما النوع التاني، هو الراجل اللي عايش مع زوجة وأولاد وخلاص بدون حب ومشاعر وده بصراحة النوع الأصعب واللي في الأساس بيكون أناني مش بخيل وهنا المرأة بتصفه بالأنانية والبخل وهي مش فهمة إن البخل هنا هو جزء بسيط من الأنانية ازي ؟ يعني الرجل اللي بيصرف برا البيت حلو قوي ويجي عند مصاريف بيته يتهرب ويطلع القرش بزعل وبالعافية ، والزوجة فاكرة إنه بخيل ،والمصيبة إن دي الأنانية، الأنانية هي أم البخل هي اللي بتحمل وتولد البخل ببساطة البخل جزء من صفات الشخص الأناني".
