قالت الإعلامية أميرة عبيد، "إن الرجال الأناني لا يعطي أي شيء دون بمقابل؟ زي عشيقته مثلاً يشتري ليها كل حاجة من غير ما تطلب وبيكون سعيد وهو ملبسها أحلي لبس ومخليها طول الوقت رايقة ليه عشان بيشوف إن جمالها وحلاوتها لي هو بس حاجة كده من ضمن ممتلكاته فبيصرف بدون حرص عشان عارف إن هيرضي رغبته ورغبة حببته اللي بيكون معاها مبسوط لكن مراته اللي مش بيحبها موجودة بس مش بينبسط معاها فمش هيفكر يبسطها أصلا ..ليه ؟ عشان أناني مش بخيل !!
وأضافت أميرة عبيد خلال تقديم برنامج "هي وهما" على قناة الحدث اليوم، "الرجل البخيل بيشتري أي شيء بيحبه ويجيب كمان للي بيحبه لكن لي أي حد بالنسبة له عادي لا !!ولا يطلع حتي كلمة حلوة ولا سلام صافي وعمره ما يستهلك مشاعرة أبداً غير مع الحاجة اللي بيستمتع بيها ليه عشان أناني و ده علاجه الوحيد الحب والعشق لو الست عرفت تخلي الرجل الأناني يحبها لدرجة العشق مستحيل يكون بخيل أو أناني معاها ليه عشان أنا عندي قناعة إن الحب يصنع المعجزات.
تابعت، علي قد الحب علي الكرم علي قد العطاء علي قد المسؤولية علي قد الإخلاص يساوي .. التماسك والراحة و الانبساط والسلام النفسي.. ضروري نفهم إن الكرم من مكارم الأخلاق، خير الناس أكرمهم.. إذا أنت أكرمت الكريم ملكته، واذا أكرمت اللئيم تمردا.. خليك كريم عشان تعرف تترد من حياتك اللئم المتمرد وتمتلك الكريم الاصيل لكل ست جوزها بخيل أناني افتكري دايماً الجملة دي، لا تطلبي ممن تحبي ما تحبي فإذا أحبك سيفعل ما تحبي".