دخلت أم السعد والدة المجني عليهما "عبدالمجيد والسيد"، ضحايا عمهما بكفر الشيخ بسبب الإرث، في نوبة بكاء على الهواء، قائلة: ابني "عبدالمجيد" عنده 3 أولاد و"السيد" عنده بنت طفلة، عمهم نهى حياتهم قبل ما تبدأ، قبل الواقعة قالولي: "هنروح نقعد مع عمنا نص ساعة نشرب الشاي ونتفاهم معاه"، وقولتله متغلطش في عمك وكان رده: " لأ طبعا كما تدين تدان ممكن ولاد أخويا يغلطوا فيا".
وأضافت أم السعد خلال مشاركتها في برنامج "هي وهما" الذي تقدمه الإعلامية أميرة عبيد على قناة الحدث اليوم، عمهم استولى على الأرض، قال لولادي هروح أجيب ورق الأرض وشوفته وهو واخد البندقية ورايحلهم اتصلت بولادي احذرهم لكنهم قالولي مستحيل نهون عليه، ولما عرفت إنه قتلهم روحت شيلت دمهم وحطيته على وشي".

تابعت أم السعد، "ولادي راحوا لعمهم والناس الكبار في البلد عشان ياخدوا حقهم في ميراث أبوهم ولكن عمهم قالهم شربت بيهم دخان ومحدش يقدر يراجع ورانا، فراحوا إلى مركز الشرطة لشكوى عمهم في محاولة منهم لتسوية الأمر بشكل ودي ولكنهم تهربوا".