أشادت الفنانة نهال عنبر بمجهودات نقابة المهن التمثيلية في رعاية كل مريض، والسؤال على كل عضو يحدث له مكروه ما

قالت نهال عنبر في تصريحات لها، مادحة مجهودات نقابة المهن التمثيلية: النقابة مسابتش رجاء حسين في فترة مرضها ومش بتسيب حد وسيف عبد الرحمن وقف معاها، واحنا ورا أي حد تعبان.

وتابعت نهال عنبر، رجاء حسين سيدة جميلة جدًا وبتسأل على كل الناس وتتطمن عليها، إنسانة جميلة وطيبة طيبة فوق الوصف، وعندها طيبة فظيعة وحنية رهيبة، هي كانت بتكلمني وتتطمن عليا، واخر مرة اتواصلت معايا من مدة طويلة شوية.
وعلقت نهال عنبر على تصريح الراحلة الأخير “حاسه إني لوحدي”، قائلة: دايمًا الإنسان بيقرب من الموت أو بيكبر بيبقى عنده حالة خوف والجملة دي سمعتها من ناس كتير.

واختتمت كلامها، قائلة: بتمنى منكم تدعولها عشان هي ست جميلة وصالحة ومحترمة وبتعرف ربنا كويس.