.png)
محمد موسى: ”مفيش مكان للإرهابيين والمتطرفين والمخربين”
انفعل الإعلامي محمد موسى، على الهواء بسبب واقعتي سرقة إشارات السكة الحديد خلال الأسبوع الحالي.
وقال محمد موسى خلال تقديم برنامج "خط أحمر" على قناة الحدث اليوم، لما الإرهابي ده يروح يفك صندوق الإشارات يبقى غرضه إيه، لما نشوف حادثة قطر بسبب اللي حصل ده يبقى إيه.. أول حادثة كانت في الطريق من بركة السبع وطنطا .. البهوات سرقوا صناديق إشارات السكة الحديد لكن شرطتنا اليقظة الصاحية جابتهم.. واتحولوا للنيابة العسكرية".
تابع، بعد يومين بس من الحادثة دي .. اتكررت الحادثة دي على خط بنها - الزقازيق - بورسعيد .. هيئة السكة الحديد قالت إن فيه عناصر خارجة عن القانون سرقت أجهزة الاشارات بمحطة الشبانات
استطرد، "حدوث الجريمتين دول في غضون أيام قليلة جدا يخلينا لازم نشك في الأمر .. ونعرف إن إحنا مش قدام مجرد حادثة سرقة عادية .. لا خالص.. فيه حد يلعب بديله .. والحقيقة الأمن صاحيله .. وكل اللي عاوز يهد في البلد مش هيتساب .. علشان بلدنا هتطلع لقدام .. ومش هيكون فيها مكان للإرهابيين والمتطرفين والمخربين".
