علق الإعلامي محمد موسى، على واقعتين سرقة لإشارات السكة الحديد خلال الأسبوع الحالي.
وقال محمد موسى خلال تقديم برنامج "خط أحمر" على قناة الحدث اليوم، "إيه اللي يخلي شخص أقل من يوصف بيه إنه خسيس يسرق صناديق إشارات السكة الحديد .. لما في أسبوع تتكرر سرقة صناديق إشارات القطارات مرتين في أسبوع يبقى لازم نفكر شوية ونعرف إن إحنا قدام حادثة مش مجرد سرقة .. لا ممكن نسميها محاولة عملية إرهابية".
تابع، لما الإرهابي ده يروح يفك صندوق الإشارات يبقى غرضه إيه، لما نشوف حادثة قطر بسبب اللي حصل ده يبقى إيه.. أول حادثة كانت في الطريق من بركة السبع وطنطا .. البهوات سرقوا صناديق إشارات السكة الحديد لكن شرطتنا اليقظة الصاحية جابتهم.. واتحولوا للنيابة العسكرية".
أتم، حدوث الجريمتين دول في غضون أيام قليلة جدا يخلينا لازم نشك في الأمر .. ونعرف إن إحنا مش قدام مجرد حادثة سرقة عادية .. لا خالص.. فيه حد يلعب بديله .. والحقيقة الأمن صاحيله".