.png)
نجيب ساويرس معلقًا على أزمة عمرو وردة: «كان لازم يتقرص»
قام المهندس نجيب ساويرس، رجل الأعمال المصري، بالتعليق على أزمة اللاعب عمرو وردة، عقب انتشار فيديو مخل يتعلق باللاعب على مواقع التواصل الاجتماعي، قائلا:« كان لازم يتقرص».
وأضاف ساويرس، خلال مداخلة هاتفية ببرنامج «الحكاية»، المذاع عبر فضائية «mbc مصر»، مع الإعلامي عمرو أديب، أنه كان يجب عقاب وردة كي يكون العقاب هذه المرة درسًا يتعلمه جيدًا فيما بعد، قائلا: «كان لازم يتقرص المرة دي، لأنه لو متقرصش هتبقى مشكلة له بعدين، الناس بتقول لازم نسامحه أه طبعا نسامحه أه بس لازم يتقرص ويتعلم الدرس عشان ميكررهاش تاني، وبعدين دي مش أول مرة ليه».
وفيما يتعلق بالعقاب الذي ناله وردة خلال الأزمة، رد ساويرس: "والله العقاب على حسب اللاعب نفسه، يعني لو اتعلم منه ومش هيكررها يبقى العقاب ده مش قليل عليه ، ولو اللاعب كرر الموقف يبقى العقاب كان قليل عليه".
أما عن تضامن بعض اللاعبين مع ورده، قال: «الواحد يتضامن مع حد مش غلطان، أنا مع إنه يلعب في المنتخب، ويروح يشوف دكتور يعالجه».
