قال الإعلامي محمد موسى في تعليقه على تصريحات المخرج هادي الباجوري بشأن موافقته على مشاركة زوجته الفنانة ياسمين رئيس في مشاهد التقبيل والرومانسية، إن الرجل الذي يوافق على تقديم مشاهد في السينما بها قبلات "يبقى لمؤاخذة".

وأضاف محمد موسى خلال تقديم برنامج "خط أحمر" على قناة الحدث اليوم، "المخرج هادي الباجوري قال في تصريحاته اللي قالبة الدنيا على السوشيال ميديا أنه معندوش مشكلة مراته تتباس وتقدم مشاهد رومانسية لأنه مش منافق ومعندوش عقد نفسية.. طيب ياعم سيب العقد النفسية لأصحابها، موضحا "أن لما الراجل يبقى غيران على مراته وميرضاش أنها تتباس أو تقدم مشاهد بها قبلات ده مش معناه أنه عنده عقد نفسية، لأنه لو سمح بده يبقى لا مؤاخذة".

وتابع محمد موسى: "هو لازم يبقى فيه مشاهد جريئة أو قبلات في الأفلام عشان تنجح وتسمع، طيب يبقى كل شيء مباح عشان السبوبة تمشي، الحقيقة دي تبقى بزراميط لو مشيت كده".