عرض الإعلامي محمد موسى، مقطع فيديو لعدد من الشباب يقومون بحركات مخالفة بسياراتهم داخل نفق الأزهر، وهو ما يعرض حياة الآخرين للخطر كما يعطل الحركة المرورية.

وقال محمد موسى خلال تقديم برنامج "خط أحمر" على قناة الحدث اليوم، "طبعاً اللي بيحصل ده كفيل يعمل كوارث، وفي الآخر نقول يا حكومة ويا دولة، طيب هي الحكومة والدولة قالت لك غرز بالعربية وأعمل زفة وفرح في طريق عام وعطل الناس وأعمل أزمة مرورية".

وأضاف: "ده غير طبعا الحوادث اللي ممكن تحصل بسبب استهتار بعض الناس بالسواقة، حقيقي إحنا محتاجين نلتزم محتاجين فعلا نساعد الدولة والحكومة على الأقل بالتزامنا وباحترام القوانين والنظام لأن حرام بجد اللي بيحصل ده الدولة بتعمر وبعض الناس بتخرب العمار باستهتارهم وفي الأىر بنزعل لما بيكون في عقوبة مشددة لمثل هذه التصرفات".