.png)
تامر حسني يستجيب للنداء ويفاجئ طفلًا مريضًا بالذهاب إلى منزله
كعادته يلبي نداء أي شخص يحتاج إليه بسرعة البرق، وهذا الذي فعله النجم تامر حسني منذ ساعات قليلة مع الطفل مصطفى شاهين، الذي يعاني من شلل بجهازه الهضمي.
وحرصت والدة مصطفى، على توجيه الشكر لحسني من خلال منشور نشرته عبر وسائل التواصل الاجتماعي، وكتبت به:"أول ما حالة مصطفى وصلت للفنان تامرحسني، لقيناه بعدها بساعة جاي من آخر الدنيا جري من منطقة الشيخ زايد للتجمع الخامس عشان يطمن على مصطفى وبالصدفة مصطفى اصلاً بيحب تامر حب مش عادي وبيتفرج على أفلامه هو بس لدرجة لما شافه مصدقش وافتكر إن دا واحد شبه تامر".
وأضافت:"ابني عنده شلل في الجهاز الهضمي كله مفيش أمعاء ولا معدة ولا بنكرياس ولما بيتوجع مينفعش ياخد مسكن أو أي دوا يعني ألم طول الحياة ومفيش صحة نهائي ودا مأثر على إدراكه، نفسي ابني يرجع زي صورته اللي في أول الڤيديو قبل المرض ادعوا له أرجوكم وناشدوا معايا كل الجهات المسؤولة في دولتنا العظيمة انقذوا مصطفى الموضوع مش سهل ومش أي حد يقدر يعمله لصعوبة الخطوات والتكاليف اللي بتتجاوز ٣٦ مليون جنيه، الموضوع اكبر من الأشخاص عشان كدا أتمنى صوتي يوصل لكل الجهات المعنية الفاضلة وشكراً لكل اللي حاولوا يساعدوني".
واختتمت حديثها بـ "شكراً يا تامر على سرعة استجابتك وعلى كل اللي قولته واللي عملته امبارح واللي لسه بتحاول تعمله عشان طفل أنت متعرفهوش، ربنا يراضيك يا ابني وينصرك ويسترك دنيا وآخرة".
