وجه الإعلامي محمد موسى، رسالة شديدة اللهجة لمؤدي المهرجانات حمو بيكا على خلفية التصريحات التي أدلى بها مؤخرا، ويتحدث فيها عنه تعرضه للظلم من نقابة المهن الموسيقية، موضحا أن ما يقدمه "بيكا" لا يعتبر من الفن، قائلا "واحدة واحدة بس يا عم بيكا.. فن إيه أنت بتسمي اللي بتقوله ده فن طب ازاي".
وقال محمد موسى خلال تقديم برنامج "خط أحمر" على قناة الحدث اليوم، إن حمو بيكا "اكتر واحد في مصر يتفنن في توقيع نفسه في الغلط"، وذلك على خلفية قوله "مش مسامح حد قطع عيشه من الغناء في مصر لحد يوم الدين، وبيقول لنقيب الموسيقيين هاني شاكر يعني لما أنت تاخدني وتحطني في لجنة فيها موسيقيين كبار وناس من الأوبرا، يعني أنت مدخلني وعايز تسقطني، وفرقتي اللي شغاله معايا أنت مديهم الكارنيهات، بس حاطين الكارنيهات في بيوتهم لأنهم بيشتغلوا معايا وأنت موقف حالي".
وتابع موجها حديثه لحمو بيكا: "ليه متشتغلش على نفسك زي زمايلك، كلهم اشتغلوا على نفسهم وعشان كده أخدوا الكارنيهات، أنت كل يوم والتاني تغلط في حد، بلاش تعلق أخطائك على شماعة الآخرين، اتعلم أي حاجة اشتغل على نفسك عشان تبقى مؤدي كويس للمهرجانات، أنت صعبان عليا حالك".