علقت الإعلامية أميرة عبيد على فكرة الزواج من الأقارب، قائلة: "ناس كتير بتخاف من زواج الأقارب عشان أحنا كلنا عارفين إن زمن الطيبين راح، زمن التماسك العائلي مع مرور الوقت بينتهي تدرجياً وأحنا السبب في ده لازم نقضي علي فكرة زواج الأقارب مصايب".
وأضافت أميرة عبيد خلال تقديم برنامج "هي وهما" على قناة الحدث اليوم، "اللي ملهوش خير في أهلة ملهوش خير في الغريب نصيحة لكل اللي متجوزين من أقاربهم ..أنتم دم واحد ونسل واحد وشرف واحد عندكم ميزة مش عند غيركم خيركم ليكم تعبكم مش هيضيع علي حد غريب تمسكوا ببعض واحموا بعض رجعوا المه الحلوة وكبروا العيلة وربوا أولادكم وسط عليتكم.. وإياكم ثم إياكم قطع صلة الرحم".
تابعت، "سيبكم من العزلة والوحدة والبعد عن حبايبكم تحت بند مش عايزين مشاكل، صدقوني البعد والهجر هو أساس المشاكل لأن البعد بيعمل جفا وجحود وزي ما المثل بيقول اللي بعيد عن العين بعيد عن القلب.. الكلام ده مش الاتنين بيحبوا بعض فقط لا.. الكلام ده لكل اللي حوالك الأهل والأصدقاء والأولاد والأزواج، القرب حنينة والحنية ينبع منها الدفاء.. قربوا لبعض.. عمروا البيوت بلم الشمل كفاية مشاكل ورجعوا العزوة والعيلة رجعوا بيوت المصرين الطيبين".