.png)
السيسي: «اللي بيشتغلوا معايا زهقوا.. والدكتور مصطفى مدبولي قالي ارحمني بقى»
أدار الفنان أشرف عبد الباقي، جلسة حوارية بعنوان "حوار مع الرئيس" خلال احتفالية النسخة الثالثة من "قادرون باختلاف" لأصحاب القدرات الخاصة وذوي الهمم.
وقالت بسملة محمد، صاحبة الـ10 سنوات، إنها تحب الرسم والتمثيل وتتمنى أن تكون كابتن طيار"، موجهة حديثها للرئيس قائلة: حضرتك منورنا بوجودك يا سيادة الرئيس.. هو حضرتك بتشتغل كام ساعة في اليوم؟"، ليرد الرئيس السيسي ممازحا بسملة قائلاً: "ما تقولي بتنام كام ساعة في اليوم أحسن".
وقال الرئيس السيسي، إنه لا يمكنه الجلوس دون عمل، مضيفا: "معرفش أقعد من غير شغل، لأني بحلم وعايز كل الناس تحلم لأن لما تحلم هتجري على حلمها.. كلنا نحلم ونقول يارب ونجري ولازم ربنا يساعدنا".
وأضاف: "اللي بيشتغلوا معايا زهقوا مني.. الدكتور مصطفى مدبولي قالي ارحمني بقى"، متابعا: "بس هنعمل إيه نفسنا نشوف بلدنا أحسن حاجة في الدنيا، ونعمل للمصريين أحسن بلد في الدنيا".
لتجيبه بسملة: "ربنا يعينك يا ريس ويا رب تعملنا أحلى حاجة في الدنيا".
