شن الإعلامي محمد موسى، هجوما حادا على رجل الأعمال نجيب ساويرس مؤسس مهرجان الجونة السينمائي بعد انتقاده قرار نقابة المهن الموسيقية بمنع 19 مطرب مهرجانات من الغناء في مصر.

وقال محمد موسى خلال تقديم برنامج "خط أحمر" على قناة الحدث اليوم، "بصراحة أنا مستاء من تصريحاتك اللي مش في مكانها أبداً ده أنت زي ما تكون بتدور علي اللي يقلل من قيمة مصر وبتعمله.. وبعدين يابشمهندس نجيب نقابة المهن الموسيقية ما اسمهاش نقابة المغنيين.. لأ دي اسمها نقابة المهن الموسيقية وضروري تعرف أن ده كلام يحاسب عليه القانون لأنك بتوجه إهانة لكل الفنانين المقيدين بهذه النقابة".

وأتم قائلا: "أنت بترد علي نقيب الوسيقيين أمير الغناء العربي هاني شاكر وبتقول أنه لو هي نقابة موسيقيين مالها ومال المغنيين.. روح ذاكر يابشمهندس وأعرف المغنيين يبقوا إيه هو فيه فرق ولا أنا مش فاهم .. وبعدين حضرتك أنا عارف أن الفنان الكبير هاني شاكر نجم كبير ولقب بأمير الغناء العربي قبل سيادتك ما تكون رجل أعمال.. ومكملين مع بعض ومش هنبطل ومش هنسيب حد يتحدي مؤسسات الدولة".