أعرب الإعلامي محمد موسى عن سعادته بحضور احتفالية شركة معمار المرشدي، بمناسبة المولد النبوي الشريف، مشيدا بالتنظيم المبهر بقيادة الدكتور محمد المرشدي رئيس مجلس إدارة مجموعة إعمار المرشدي وكل القائمين علي الاحتفالية.

وقال محمد موسى خلال تقديم برنامج "خط أحمر" على قناة الحدث اليوم، كانت لفتة جميلة جدا.. امبارح وأنا راجع بيتي بعد الشغل من على الطريق الدائري وفجأة لقيت الطريق بينور وناس كتير فرحانه وبسمع أغاني وتواشيح دينية وبسمع طلع البدر علينا.. الحقيقة فهمت إن فيه احتفال كبير بالمولد النبوي الشريف بمناسبة المولد النبوي الشريف .. المهم مقدرتش أقاوم هذه المظاهر اللي افتقدناها من فترة كبيرة فقررت أنزل من عربيتي وأصور بأيدي هذه البهجة وهذه الفرحة.

وأردف: " قبل ما أصور عرفت أن إدارة الشركة والمهندسة نور المرشدي قرروا إنهم يسعدوا الموظفين وأهل الكومبوند اللي بيتواجد فيه مقرهم زي ما بيعملوا كل سنة احتفالًا بمناسبة المولد النبوي الشريف.. ومكنش احتفال عادي لا ده السنة دي بالأخص اهتموا إنهم يعيدوا تقاليد وعادات احتفالات زمان زي ألعاب المولد والتنورة و التخت الشرقي.. اعرضوا الفيديو وأنا بتكلم.

وأتم قائلا: "الحقيقة اللي أحنا شايفينه ده حاجة مبهجة.. معمار المرشدي مش رجعوا عادات وذكريات زمان لا ده كمان عملوها بطريقة ابتكارية وحديثة شكلها جميل بالروح العصرية .. كمان وزعوا حلاوة المولد على كل الموجودين في الشارع اللي عملوا فيه الاحتفال.. والاحتفالات دي بدأت امبارح ومكملة للنهاردة.. وعايز أقولكم إن الفكرة مش وليدة اللحظة.. مجموعة معمار المرشدي الحقيقة بتتميز دايماً بالاحترافية مش في اعمالها فقط لأ كمان في احتفالاتها حيث بدأو التحضير من شهر ونص تقريبًا".