وجهت الإعلامية أميرة عبيد بعض النصائح للزوجات من أجل الحفاظ على حياتهن في هدوء وسلام مطالبة المرأة بضرورة بالتحلي بالصبر ومراعاة زوجها وعدم النفور ، قائلة: لو الزوج اهتم بشغله شوية علشان يكفي بيته تيجي الواحدة من دول تشتكي وتقولك ده بخيل ده مش بيصرف ده بيبص برا وتفضل تشتكي يمين وشمال.. هوب علي طول تلاقي واحدة تانية تروح تكتب علي جروب ستات علي الفيس بوك وتوصف جوزها بأنه ضعيف جنسياً وأنها مش مبسوطة وتخش علي التعليقات تلاقي مهذلة وقلة أدب.
وتساءلت أميرة عبيد خلال تقديمها برنامج "هي وهما" على قناة الحدث اليوم، هل السوشيال ميديا بس هي اللي بيخرج منها كل الكوارث دي لا طبعا من ناحية تانية تلاقي وحده معقدة نفسياً طالعة علي الشاشة توصف الرجل بالكلب وإٔنك لازم تطلعي عينه علشان يعرف قيمتك ويعملك حساب وتشجع البنات المخطوبة على بيع خطيبها علشان واحد تاني معاه فلوس اكتر وبيخرجها اكتر و بتعلم الاندر إيدچ إزي يصاحبوا ويحبوا ويرتبطوا .. بدل ما تعلمهم القيم والأخلاق .
وتابعت أميرة عبيد، "بعض الستات بتفضل تجيب في ناس تبرمجهم علشان يشحنوا البنات شحن مدمر وتعلم البنت من دول إزاي تلاعب جوزها وتعلم البنات إزاي تخلي الشباب تجري وراهم ، وده كله تحت بند (النصيحة) بذمتكم دي نصيحة ولا فضيحة ؟ هل ده كلام يعمر بيوت ويطلع اجيال محترمة ؟.