• الرئيسية
• أخبار

قال الرئيس عبد الفتاح السيسي، إنه حان الوقت لإعادة تسعير رغيف الخبز المدعوم، متابعا: "الناس بتقول بلاش نقرب من رغيف العيش.. بنقول لا إحنا بلد محترم تحترم أهلها، وبتجري عليهم أمام ربنا والناس.. أنا مينفعش أبيع 20 رغيف بعملة مش معروفة.. الولاد ميعرفوش يعني إيه 5 قروش".

وأضاف خلال كلمته على هامش افتتاح المدينة الصناعية الغذائية “سايلو فودز” بمدينة السادات، اليوم الثلاثاء: "الناس تقول بلاش يا فندم تقول كده.. سيبني أعيش بقول لا.. إحنا عايزين بلدنا تعيش.. عايزين ننظم حياتنا بشكل كويس ونطلع منتج محترم ونحترم آدمية الناس، وننظم حياتنا بشكل في توازن بكل شيء مفيش حاجة تثبت على حالها على مدى 20 أو 30عاما ونقول محدش يمسه".

وأشار إلى أنه سيتم زيادة سعر رغيف العيش، "أنا هقرب من رغيف العيش لأننا ناس شرفاء وأمناء ومأمونين على حياة الناس ومستقبلها وليس استمراري في كرسيه".

ووجه حديثه للمصريين قائلاً: “إحنا بنعمل في حياة كريمة وعايزنكم تساهموا معانا.. إحنا مش هناخد رقم كبير وهنستخدم الفلوس في تغذية المدارس”.