• الرئيسية
• أخبار

قال الدكتور طارق شوقى، وزير التربية والتعليم والتعليم الفنى، إن الامتحان الأول التجريبى لطلاب الثانوية العامة سيكون أيام 18 و20 و22 أبريل الجارى، مضيفا: "ده امتحان تجريبى وسيكون بالتابلت داخل اللجان والهدف مش الأسئلة أو الجزء الفنى أو الأكاديمى وإنما للاطمئنان على التابلت وسيكون بمثابة محاكاة للمعدادت والشبكات وكلمات المرور وكلمات السر التى يستخدمها الطلاب فهو جزء لوجيستى من حيث اختبار شرائح الواى فاى والشبكات والخوادم والسحابة والأحمال عليها شكلها ازاى، والوزارة هنا بالتعاون مع وزارة الاتصالات هيشوفوا كافة الأمور اللى تطمئن الجميع على الجزء التقنى من الامتحان".

وأضاف الوزير خلال كلمة له في فيديو بثه على صفحته بـ"فيس بوك": أسئلة امتحان أبريل التدريبى بروفة والسؤال ممكن ميكونش سؤال يعنى مثلا "اسم حضرتك إيه" مجرد بروفة غير حقيقة من الناحية الأكاديمية وكلنا ندخل مع بعض نشوف الشبكة وأى مشكلة نعالجها سواء فى المدرسة أو التابلت واشتراكنا جميعا فى الامتحان التجريبى سيقلل أى مشكلة فيما هو قادم من امتحان حقيقى.

وتابع وزير التربية والتعليم: لو حد بيسأل ليه الطلاب يمتحنوا 3 أيام مش يوم واحد، قائلا: "هنجرب تكنولوجيا معينة يوم 18 وهنشوف نتيجتها ونقيم يوم 20 ونجرب تكنولوجيا مختلفة أيضا يوم 20، ونتمنى أن يكون يوم 22 لا يحدث أى مشكلة، وأن الطالب هيروح المدرسة يوم الامتحان لمدة ساعة فقط أو أقل وده مش امتحان نحضره أو نذاكر له ولكن عايزين نشارك مع بعض فى الاطمئنان على الجزء الفنى.