عرض الإعلامي محمد موسى مقطع فيديو لحريق مخازن مجلس مدينة ميت غمر بمحافظة الدقهلية للمرة الثانية خلال 10 أشهر.

وقال موسى خلال برنامجه "خط أحمر" المذاع عبر فضائية الحدث اليوم، "مخزن مجلس مدينة ميت غمر بمحافظة الدقهلية بيولع تقريبا كل سنة متقولش يا أخي ملبوس ولا راكبه عفريت .. مش فاهم أنا بصراحة.. العاملين في المجلس بيقولوا دايما أنه ولع بسبب ماس كهربائي".

تابع، "السنة الماضية في شهر أكتوبر 2019 المخزن ولع.. هل يعقل إن كل سنة بيحصل ماس كهربائي لنفس المخزن ده سؤال بيطرح نفسه ومحتاج إجابة من المسئولين هناك ؟ المخزن ده ياجماعة بيكون فيه معدات الاشغالات بتاعت المحلات والطرق التى يتم مصادرتها من المخالفين، فلوس الناس بتضيع على الأرض وبتهدر، عاوزين نعرف السبب إيه بصراحة" .