ناس كتير بتسألني.. اعرف إزاي.. إن أنا شخصية ناضجة نفسيا انفعاليا، بسيطة.. هقولك شوية مؤشرات..
وأنت بنفسك احكم على نفسك.

أولا.. الشخص الناضج لما بيقع في أي مشكلة تركيزه كله بيبقى إزاي يحل مشكلته في حدود إمكاناته المتاحة.

أما الشخص غير الناضج لما بيقع في أي مشكله تلاقيه غرقان فيها وبدل ما يفكر يحلها إزاي يفضل عايش انفعاليا فيها ومش عارف يخرج منها وماعندوش أي حلول ليها.

ثانيا.. الشخص الناضج عنده حلول وبدائل لا تنتهي لأي مشكله وده بيخليه يختار البديل الأفضل.

الشخص غير الناضج.. معندوش أي بدائل لمشكلته هو حل واحد بس لأي مشكله عنده.

ثالثا.. الشخص الناضج يعترف إنه جزء من أسباب مشكلته.

الإنسان غير الناضج.. اعذاره الواهية والزائفه والضعيفه لا تنتهي.. ولا يعترف بأنه جزء من أسباب مشكلته.

رابعا.. الإنسان الناضج يركز في تعاملاته مع غيره على ايجابياتهم ومميزاتهم والاقتراب منهم.

الإنسان غير الناضج دائما ما يركز كل اهتمامه على عيوب وأخطاء الآخرين لتشويههم.

خامسا.. الإنسان الناضج عندما يخطأ في حق حد.. يبادر بالاعتذار وتصحيح أخطائه.

الإنسان غير الناضج... يرى كل الناس خطأ وهو الوحيد الذي لا يخطأ وعلى صواب دائم.

سادسا.. الإنسان الناضج يسرع بتقديم يد المساعده لغيرة إذا كانوا في حاجه إليها.

الإنسان غير الناضج... لا يساعد غيره ويحبطهم وينتظر دائما مساعدة الناس ليه.

سابعا الإنسان الناضج مابيعملش أي حاجة إلا لما بيكون متأكد أن قدراته تسمح بذلك.

الإنسان غير الناضج... أهوك ومندفع ، ممكن يعمل حاجه وقدراته لا تسمح بتحقيقها.

هذه بعض المؤشرات.. شوف نفسك ..أنت فين من كل واحده منها وحاول تصلح من نفسك.