بكل حب وشغف ألقي سلامي علي كل حبايبي ،أصحاب القلوب البيضاء والعقول النيرة .

لماذا أصحاب القلوب البيضاء والعقول النيرة فقط، لأن البشر أنواع وكل نوع يختلف عن الآخر وموضوع مقالي لا يتناسب إلا مع أصحاب هذه الصفات .. الأن فى عصرنا المعاصر فقدنا السيطرة علي كل ماهو جميل في أنفسنا وفي حياتنا بشكل عام .

إزاي ؟

يعني أصبحت الحياة عايشة البشر وليس البشر هم من يعشيوا الحياة.. جملة غريبة ومعناها مش مفهوم ! .

دعوني أوضح الجملة بشكل واضح وبسيط .. لما نعمل الخير ونستني المقابل من المفعول به الخير ميبقاش خير أمال يبقي أيه؟ ... يبقي زي المثل الشعبي اللي بيقول أنا هقدم السبت علشان الاقي الأحد ، وهنا المعني يختلف ومش بس المعني اللي بيختلف ده كمان الموضوع بيتحول من فعل إيجابي الي أشياء كتير سلبية ، لما اللي يقدم السبت يتأخر عليه الأحد وأحيانا مش بييجي الأحد اللي هو عايزة يبدأ يتحول الموضوع إلي حرب بين الطرفين وكل طرف يظن نفسه هو المجني عليه ! .. وفي الاخر الهدف بيكون ( المصلحة ) !

لما ندخل تجربة حب ونسرح بخيالنا أن الحب ده هيبقي قصة زي قصص الأفلام وفجأة كل طرف ينتظر الطرف الآخر يقدم فروض الولاء والطاعة اللي هي أساساً مش موجودة ، وهنا تبدأ تتحول التجربة إلي جرح عاطفي .. مع العلم إن التجربة من البداية مش حب ، أمال ايه ؟ ده بيكون ( وهم الحب )! .

لما نكره القيل والقال لمجرد أنه بيمس خصوصيتنا فقط ، وعند الغير محبوب جداً ،علشان نتفرج علي أخطاء وعيوب غيرنا ونخلق أعذار لعيوبنا ونحاول نشوف انفسنا أفضل مع العلم أن كلنا عندنا عيوب !

بس مش بنحب نعترف علي نفسنا .. "وكده تبقي الحياة هي اللي بتعشنا " كلنا عندنا قلب بيحب وعندنا عقل بيفكر وعندنا أخطاء بنحاول نمحيها من حياتنا .. بس هل ياتري عندنا القدرة على التغير ؟

هل عندنا ثقافة الإعتذار ؟

هل عندنا روح التضحية والفداء؟

هل عندنا إستعداد نعيش الحياة منسبهاش تعشنا ؟

نداء لكل الاسوياء ، افعلوا الخير في أهلة وفي غير أهله ،ولا تنتظرو المقابل.. تجنبوا القيل والقال لأنها لغة الحاقدين .. تمسكوا في حبيبكم لآخر نفس ودائما كونوا في عطاء مستمر مع من تحبوهم لأن حبهم اغلي بكتير من كل التضحيات .

في النهاية.. كل إنسان بيشوف مقالي ضروي يقدم لنفسة برقية أعتذار .. اعتذر لنفسك علي اختياراتك الخطأ لبعض الناس و‘دخالهم في حياتك .

اعتذر لنفسك علي عدم فعل الخير بدون مقابل .

اعتذر لنفسك علي ضياع وقتك في أشياء ليس لها فائدة .

اعتذرو لأنفسكم لأنها تستحق الاعتذار