في شخص ما  في حياة كل واحد فينا..

ممكن ما تكونش واخد بالك منه... ومش مركز معاه..

بس الشخص ده بقى... مركز معاك في حياتك قوي..

أكتر ما إنت شخصيا مركز فيها...

بيتتبع كل أخبارك من غير ما تشعر بيه...

أنت بالنسبة له الحياة كلها (البؤرة والهدف) ...

كل تفصيله في حياتك... موجودة عنده

النمط ده من الناس..ممكن يكون صنفين..

صنف بيحبك لدرجة العشق..

ومش قادر يعبرلك عن مشاعره..

لإحساسه بإستحالة إعرابه وتعبيره عن حبه ليك..

وصنف بيكرهك جدا...

وكل نجاح ليك.. مرار ووجع ليه...

وكل سعادة  ليك.. بيتقلب معاها موده ومزاجه..

لو فتشت في صفحات دفاترك بتركيز..

اعتقد إنك ممكن تحدد النمطين دول...

ولو قدرت تحددهم.. ياريت تقطع كل الخطوط..

إللي بيستقوا منها أخبارك وظروف حياتك...

رأفة بالأول إللي بيحبك ومش طايلك..

لإنه مسكين بيموت في كل لحظة ألف مرة علشانك..

وإنت مش داري بيه..

واحذر من التاني.. إللي بيكرهك وواقفلك على الهفوة

#فن إدارة #الذات

مجرد خاطرة