لما حد بيقدملنا نصيحة أو رأي أو مشورة.

وهو شخصيًا مابيطبقش اللي بيقوله لينا..

ليه ما بناخدش بكلامه ولا بنهتم بيه من أصله..

طبعا المنطق والعقل بيقولوا..

إزاي بتنصح غيرك بحاجة..

إنت أصلا  وأساسا فاشل فيها.

بصوا ياجماعة... طبعا معاكم حق..

ما هو لو كان كلامه صح ومفيد..كان نفع نفسه الأول..

لكن من خلال مقابلاتي النفسية  مع العديد من الحالات، اتضح إنه كثيرا ما ينصحك شخص بفكرة أو نصيحة أو رأي، وهو في المقابل غير مؤهل لتنفيذ نصيحته على نفسه.

ومع ذلك  قد تعتبر نصيحته مفيدة لك..

يعني ما ترمهاش ورا ضهرك وتهملها علشان شخصية صاحبها

وهقولكم الأسباب إللي خرجت بها الدراسة.

أولا.

ممكن تكون إمكاناته لا تؤهله لتحقيق وتنفيذ نصيحته لك، على حين إنه شايف إن إمكانياتك المتاحة قد تسمح لك بذلك.

ثانيًا.

ممكن يكون شاف وعايش ناس كتير غيره..

نفذوا النصيحة  دي إللي بيقولهالك ونجحوا فيها.. وبالتالي بيعرضها عليك من باب حبه ليك وحرصه عليك.

ثالثًا.

ممكن الشخص ده يكون كبر ولم تسعفه الظروف بتطبيق نصيحته التي قالهالك.

في حين يرى أن عمرك ووقتك  وظروفك تسمح بتحقيقها.

تلك النصيحة التي لم يلقي لها بالا حينما كان في نفس عمرك.

رابعًا.

ممكن يكون الشخص ده لديه خبرة مؤلمة وفشل زريع في الموضوع إللي بينصحك فيه، وبالتالي نقلك الجوانب الإيجابية منه، وكأنه بيقدملك خلاصة تجربته الفاشلة في صورة ما ينبغى أن يكون الصح منها.

ياريت ما نتسرعش في الحكم على الناس..

في حاجات كتير محتاجين نفكر فيها..

مش مجرد نكررها دون فهم أو استيعاب. .

مجرد خاطرة