ردت الراقصة شمس، على تصريحات طليقها الفنان سعد الصغير، بشأن شرائه فيلا وسيارة لها، بالإضافة إلى إرسال أموال لها والتي جاءت نصها: "دي أكتر واحدة أخدت فلوس مني وجبتلها فيلا وعربية مجبتهاش لأم العيال".

وقالت الراقصة شمس،: "أنت كداب يا سعد مفيش فيلا ولا حاجة دي شقة 300 متر وأنا كنت جيباها بالكريدت والعربية برضوا، وأنت جيبت بلطجية وقعدت في بيتي شهرين وكنت بتبعتلي تهديدات عشان اتكلمت في الإعلام إنك خطفتني وبتهددني وقتلت بنتي ومضيتي على ايصالات أمانة وعقد زواج بالإكراه، وماما عملتلك قضية وخرجت من بيتي".

تابعت،: "أنك كداب، الشم لحس عقلك، والفلوس اللي عندك دي من تجارة الآثار والسلاح ، وأنا هرفع عليك قضية تعويض مدني وأنت لو أديتني العالم كله مش هتعوضني عن ظوافر بنتي اللي قتلتها، وأنا هاخد حقي منك بالقانون".

أضافت: "أنا مش كدابة ولا بفتري عليك دي كلها محاضر وموجودة في نيابة أكتوبر والإسكندرية، وفي تقرير طبية بتثبت الكلام ده وهرفع عليك مليون قضية وبطالب محامين مصر كلهم يقفوا معايا ضد الكائن ده".