كشف الفنان سعد الصغير تفاصيل خلافه مع الراقصة شمس، بعدما اتهمته بـخطفها والتعدي عليها، مؤكدًا أنه كان يساعدها ماديًا.

وقال سعد الصغير شمس بتقول إني بهددها وخطفتها، أنا راجل أبويا مربيني، ودا كدب لأني لو بهددها بتاخد مني فلوس ليه؟.. ولو قولت للناس قد إيه وقفت جنب شمس هيقولوا عليها قليلة الأصل، وأنا كنت بساعدها ماديًا وببعت لها فلوس.

وواصل سعد الصغير: شمس متبنية طفلة من 10 سنين وعايشة برا مصر؛ وبقول لها أرجعي مصر وسلمي البنت لأنك رقاصة والقانون بيمنع تتبني أطفال، وأنا هتبناها ليكي وأعملها وديعة في البنك بـ 300 ألف مقابل مترقصيش تاني وأي فلوس تخص التبني هتكفل بيها ومحدش هيأذيكي وبطلي تتبلي عليا.

كانت الراقصة شمس اتهمت سعد الصغير بالتعدي عليها وتهديدها، قائلة: لما كنت حامل سعد الصغير بعتلي بلطجية وكان عايز يعملي عملية إجهاض، وكان بيضربني وبيشتمني وجرني من شعري من إسكندرية للقاهرة وسحلني ووقفنا على الطريق الصحراوي، وفضل يضرب فيا لحد ما وشي جاب دم.

وواصلت شمس: سعد الصغير كان مصمم يعملي عملية إجهاض والدكتور مكنش موافق لأن الجنين 7 شهور ولكن مع الأسف وافق بعدها وأجهضت وأجبرني أمضي على إيصالات أمانة وعقد زواج وأوراق تثبت أنه مضربنيش أو تعرض ليا وأذاني بأي حاجة.